Boa parte dos recursos da Fundación dedícanse a fomenta-la práctica deportiva nos distintos clubs existentes na cidade. As axudas concédense de acordo cuns baremos que se publican cada ano, pero, en xeral, para acceder a elas é preciso que os clubs ou entidades solicitantes teñan a súa sede social en Vilagarcía, estean federados, e integrados nas competicións que organizan a distintas federacións deportivas. Quedan fóra da convocatoria os que teñan a consideración de club ou equipo profesional, os que pertenzan ou estean integrados en institucións oficiais, e os que, por calquera causa, se retirasen ou non xogasen completamente a competición oficial na tempada para que se convocan as subvencións.