Os aspectos nos que se está a traballar dende a Concellería son:

• Proxecto “Pasear e Comprar”: transforma-lo centro urbano para que o público se sinta cómodo ó face-las as compras, que o peón sexa o protagonista, que ocupe o espacio, pero sen esquecer a necesaria fluidez no tráfico rodado.

• Colaboración con Zona Aberta e outras agrupacións de profesionais que teñan por obxecto a promoción de Vilagarcía como centro comercial.

• Bonificacións nos impostos. No de actividades económicas (IAE), para os establecementos de nova creación. No de construcción (ICO), para favorece-los proxectos de interese xeral.

• Apoio á formación e asesoramento ós empresarios, mediante a impartición de cursos e a información sobre subvencións municipais e doutras administracións.

• Colaboración coa Fundación Fexdega para a promoción do recinto feiral.

• Facilita-la execución das infraestructuras viarias e de parques empresariais que xa están previstas e daquelas outras que sexan necesarias.