PROMOCIÓN DE VILAGARCÍA COMO DESTINO TURÍSTICO
• Edición de material de propaganda e publicidade que logo é distribuído a través das oficinas de turismo, os “stands” en feiras, e o envío a quen o solicita e a outras oficinas de turismo.
• Apertura das oficinas de información turística durante cada vez máis tempo ó ano. Este servicio vai ser mellorado coa próxima inauguración do Centro de Atención ó Visitante, situado en plena Praia Compostela, no que o público terá á súa disposición un completo equipo audiovisual e material impreso sobre tódolos atractivos de Vilagarcía e outros lugares da Ría.
• Asistencia a feiras do sector (Oporto, Valladolid, Madrid, Barcelona, Bilbao, etc.) xunto co resto dos concellos da comarca como coexpositores de Turgalicia ou do Padroado Provincial de Turismo.

CREACIÓN DE PRODUCTO TURÍSTICO
Trátase de crear atractivos para que os foráneos decidan achegarse a Vilagarcía. Entre as actuación desenvolvidas destacan:
• Rutas guiadas: a pé pola cidade, a dos pazos, as de sendeirismo e as cicloturistas.
• Sinalización de lugares ou monumentos que teñen un atractivo especial (pazos, praias, miradores, etc.)
• Conservación e mantemento deses espacios.
• Colaboración económica e loxística na organización de distintos eventos: mostras gastronómicas, actividades de animación da Asociación de Iniciativas Turísticas, regatas, torneos internacionais de baloncesto Sub-20 e fútbol alevín, campionatos de España, etcétera.
• Recepción de grupos que chegan á cidade: excursións, barcos de pasaxe, etc.

FORMACIÓN, ASESORAMENTO E COLABORACIÓN COS PROFESIONAIS DO SECTOR
• Información sobre axudas das distintas administracións para a mellora do seu negocio.
• Cursos de formación.
• Colaboración coa Asociación de Iniciativas Turísticas e outras agrupacións para a posta en marcha de actividades de interese.