A Concellería de Xuventude e Emprego do Concello de Vilagarcía é o departamento que trata de responder a todas aquelas cuestións que, dentro das facetas nas que se desenvolve a vida dos mozos e mozas de Vilagarcía, poidan resultar do seu interese. A información que se inclúe nesta páxina ten como obxectivo o de informar puntualmente ós mozos de todas aquelas accións que lles poidan interesar tanto no eido do ocio e tempo libre como en emprego, estudios, cursos, bolsas, idiomas, certames musicais, artísticos, deportivos, etcétera.