Atención directa: Na OMIX informámoste directamente sobre convocatorias (ofertas de emprego público e privado, subvencións e bolsas, premios e concursos, actividades, cursos, estudios, etc.) e tamén sobre emprego, saúde, ocio e tempo libre, animación sociocultural ou vivenda. Igualmente, dende esta oficina podes tramitar o Carné Xove Euro 26 e outros cos que obterás importantes vantaxes.

Zona de autoconsulta: Na OMIX poderedes consultar o que vos interese, nunha zona habilitada para autoconsulta onde dispoñedes duns taboleiros informativos que conteñen información impresa de diferentes materias como convocatorias de bolsas, actividades, cursos, concursos, formación, voluntariado ou emprego. Así mesmo, poderedes consultar revistas especializadas como o Boletín Galicia-Europa, Boletín Xove, Información Semanal da Rede de Información Xuvenil, e o Boletín Informativo da Concellería de Xuventude, ademais, por suposto, do Diario Oficial de Galicia.

Accións externas: A OMIX traslada a información a distintos puntos tanto do rural coma a centros educativos, asociacións xuvenís, de mulleres rurais e de veciños, a través de distintas accións como sesións informativas en centros docentes e asociacións sobre temas de interese xuvenil. Ademais, cada ano realízase un Plan de Dinamización Xuvenil das Parroquias.