As malas previsións meteorolóxicas para a mañá do vindeiro sábado levaron á Concellería de Cultura e á empresa Penide a trasladar para o domingo, día 25, o esperado Combate Naval, o festival pirotécnico que tradicionalmente anuncia o fin das festas de San Roque. Segundo todas as predicións, na noite do sábado, momento previsto para o Combate, non choverá. A causa do traslado ten que ver coa montaxe, que necesita ao menos 24 horas de tempo seco e iso non está garantido. Non é a primeira vez que o Combate Naval ten que ser aprazado ou mesmo suspendido polas malas condicións meteorolóxicas, nin tampouco que se celebra en domingo; de feito, durante décadas foi o día escollido. |